Кога ги планираме патувањата, ретко кој од нас размислува за тоа како мириса дестинацијата што ја избираме.
Меѓутоа, ако сакате да го земете овој фактор предвид, објавена е листа на 10-те најмиризливи градови во Европа.
Неодамнешното истражување на британската компанија HAYPP „го осветли“ овој занемарен аспект на урбаниот живот, анализирајќи 30 големи градови во Европа и пошироко за да открие кој мириса најдобро.
Истражувачите анализирале различни фактори, вклучувајќи ја чистотата и процентот на цвеќарници, пекари и парфимери, за да му дадат на секој град „оцена за мирис“.
На прво место е Атина.
Она што придонесува за уникатниот мирис на овој град се раздвижените улични пазари, аромата на свежи производи, билки и грчки деликатеси кои се шири низ воздухот. Атина е празник за сетилата, со 8,3 од 10 поени на „одорометарот“. Од солени пити до слатка баклава, пекарниците во градот служат во функција на неодоливото миризливо задоволство.
Атина е и цветен рај, со 31 цвеќарница и 22 парфимерии на 10 квадратни километри, што значи дека нежен мирис се шири во секој агол од градот. Посветеноста на градот за чистота се рефлектира и во Индексот на еколошки перформанси (EPI), каде доби оценка од 56,2.
Иако Атина е на прво место, вреди да се споменат и други градови кои се најдоа на листата на оние со најубав мирис на светот.
Париз со својот романтичен амбиент и елегантните булевари е на втората позиција, а веднаш зад него е Цирих, познат по својата чистота и живописното опкружување, што ја заокружува првата тројка.
Атина, Грција
Париз, Франција
Цирих, Швајцарија
Даблин, Ирска
Луксембург
Никозија, Кипар
Копенхаген, Данска
Букурешт, Романија
Валета, Малта
Амстердам, Холандија.
