Захер тортата е еден од најпознатите десерти, а потекнува од Австрија. Иако станува збор за чоколадна торта, неговата препознатливост доаѓа од додавањето на џем од кајсии.
Во приказната за тортата Захер (Sachertorte) се наведува дека била создадена во Виенскиот двор во 1832 година, кога австрискиот канцелар Клеменс Венцел фон Метерних побарал да се создаде десерт што ќе ги импресионира неговите гости.
На главниот готвач му се слошило таа вечер, па за десертот бил задолжен 16-годишниот помошник-готвач Франц Захер. Таа вечер младиот готвач подготвил торта за која се зборува и денес и со задоволство се наоѓа на трпезите ширум светот.
Потребни состојки:
- 200 гр џем од кајсии
- путер
- брашно
за бисквитот
- 6 јајца
- 120 гр брашно
- 120 гр омекнат путер
- 200 гр чоколадо за готвење
- 100 гр шеќер во прав
- 100 гр ситен шеќер
- 1 кесичка ванилин шеќер
- 1 лажичка сол
за глазурата
- 200 гр чоколадо за готвење
- 200 гр шеќер
- 150 мл вода
Подготовка:
Најпрво загрејте ја рерната на 180 степени.
Потоа стопете го чоколадото на тивок оган, па оставете го да се излади. Оставете го џемот од кајсии на собна температура за полесно да се премачкате врз бисквитот.
Во поголем сад со миксер изматете ги путерот, шеќерот во прав и ванилиниот шеќер и постепено додавајте жолчка. Матете додека не добиете пенеста смеса, а потоа додадете го растопеното чоколадо и кратко изматете. На крајот додадете го брашното и нежно измешајте додека не добиете изедначена смеса.
Во друг сад изматете ги белките со една лажичка сол и постепено додавајте ситен шеќер. На крајот нежно измешајте ги белките во првата смеса.
Префрлете ја смесата во калапот и печете околу 60 минути. Кога ќе се испече бисквитот, добро изладете го пред да го исечете на два еднакви дела. Долниот дел од бисквитот премачкајте го со 100 грама џем, преклопете го со другиот дел, а потоа премачкајте го остатокот од џемот врз целата торта.
Чоколадната глазура ќе ја подготвите така што ќе ги загреете заедно шеќерот и водата, а потоа ќе оставите кратко да се излади. Потоа додадете го чоколадото. Оставете неколку минути да се растопи чоколадото, па прелијте го над тортата.
