Крис Хемсворт откри за Entertainment Tonight дека не успеал да го убеди Кевин Костнер да му даде улога во неговиот претстоен филм.
Ѕвездата на Marvel изјави дека Кевин Костнер режира апстрактна и интересна мала приказна за маж и жена, во која истовремено ќе ја игра главната улога.
„Има филм за кој го прочитав сценариото и ми се допадна, па решив дека сакам да бидам во него, но тогаш некој mi рече: ‘Кевин Костнер ја игра таа улога’“, се сеќава Хемсворт. „Би сакал тој да ме режира. Следниот ден поминав еден час обидувајќи се да го убедам да ми даде улога, но тој само ми рече дека ќе глуми во филмот. Не ми успеа, не ја добив улогата“.
Иако не откри за кој филм станува збор, Хемсворт изјави дека филмот има коњи и затоа се заинтересирал за целиот проект.
„Мојата сопруга го прочита сценариото, а таа сака коњи. Имаме десет или единаесет коњи дома, па ми рече: ‘Мораш да глумиш во ова’“, додаде Хемсворт.
Костнер ќе ја игра главната улога во сè уште ненасловениот филм
Според Variety, Костнер за време на едно интервју открил зошто го одбил еден од најбараните актери во Холивуд.
„Тоа е љубовна приказна, но сè додека сум доволно млад за да глумам, ќе глумам“, изјави Костнер. „Крис ќе мора да почека. Тој е толку убав и толку добар. Ќе мора да си ја најде сопствената љубовна приказна, но мило ми е што му се допаѓа оваа. Ако некогаш се чувствувам дека не можам да направам нешто, ќе му се јавам. Тој е дефинитивно еден од најбараните актери во моментов“.
Костнер наскоро ќе го гледаме во вестернот Horizon: An American Saga, серијал што треба да се состои од четири филма. Првите два филма се веќе снимени и излегуваат оваа година - едниот ќе биде премиерно прикажан во Кан следниот месец, а другиот во кината во август. Доколку филмовите бидат успешни, Костнер ќе сними уште две продолженија за да ја заврши сагата.
Актерската екипа на Horizon: An American Saga ги вклучува Сиена Милер, Сем Вортингтон, Џена Мелоун, Аби Ли, Мајкл Рукер, Дени Хјустон, Лук Вилсон, Изабел Фирман, Џеф Фахи, Вил Патон, Татанка Менс, Овен Кроу Шу, Ела Хант и Џејми Кембел Бауер.
