Иако netflix објави голем број серии во изминатите неколку години, многу од нив не дочекаа втора сезона.
На пример, The Brothers Sun можеше да се пофали со одлични критики, но серијата беше откажана само неколку месеци по објавувањето.
Сериите како Ratched имаа најавени нови сезони, но тие никогаш не беа снимени. Дури и психолошкиот трилер на Дејвид Финчер, Mindhunter, не доби трета сезона. Ова толку многу ги погоди фановите што минатата година започнаа онлајн петиција во која ги повикуваат креаторите на серијата да ја вратат за уште една, последна сезона. Петицијата ја потпишаа повеќе од 50.000 луѓе.
Ако се прашувате зошто се случува ова, Netflix има начин да одлучи дали да задржи или откаже серија. Според Forbes, сè зависи од таканаречената „стапка на завршеност“, која одредува колкав процент од гледачите ја гледаат серијата до крај и дали тоа може да претставува лојална публика која би гледала уште една сезона.
Сериите кои имаат повеќе од 50 проценти „завршеност“ имаат поголеми шанси да бидат обновени, додека оние кои не можат да задржат ниту половина од публиката најчесто се укинуваат. Буџетот и вкупната гледаност исто така играат улога во конечната одлука. Ако снимањето е скапо, серијата е подложна на уште повисоко ниво на контрола од носителите на одлуки.