Главните улоги ги толкуваат Тимоти Шаламе, Зендаја, Џејсон Момоа, Џош Бролин, Оскар Ајзак, Стелан Скарсгард, Хавиер Бардем, Ребека Фергусон и други.
„Dune“ за првпат беше екранизирана од Дејвид Линч во 1984 година, но филмот се најде на удар на критики и се смета како негов најнеуспешен филмски проект.
Но, новата адаптација има многу услови да не го доживее тој неуспех. Всушност, постојат многу причини зошто овој филм би можел да биде најдобриот научно-фантастичен филм во изминатите 10 години.
WatchMojo одвои 10 топ причини зошто овој филм ги има тие предиспозиции. Самата приказна е интригантна, за младо момче кое е наследник на титула и има улога на еден вид месија на планетата во која живее. Во ова интерстеларно општество повеќе куќи се борат за престолот, но сите сакаат од моќта на зачинот. Оваа адаптација има шанси да биде подобра од претходната поради пристапот на филмскиот проект. Режисерот Вилнев се смета за еден од најуспешните режисери на научно-фантастични филмови од неговата генерација.
Во видеото ќе погледнете интересна анализа на новиот филм на Вилнев и што треба да знаете за новата адаптација на „Dune“.