Меѓу фотографиите кои ја добија престижната титула најдобри кога станува збор за темата див свет се и оние што ги направија фотографите на National Geographic.
Во јужниот дел на Тексас, пчелите Diadasia australis се изведуваат под земја во мали јами исполнети со полен. Мажјаците прво излегуваат од јамињата, а потоа ги чекаат женките. Штом главата ќе им излезе од земјата, тие почнуваат да се извртуваат.
Виткањето на пчелите кои се парат е „нешто што луѓето често не успеваат да го видат“, вели Карине Ајгнер, фоторепортерка од Вашингтон и соработник на National Geographic.
Меѓутоа, поради оваа фотографија тоа сега ќе го видат многу луѓе. Фотографијата на Ајгнер, направена пролетта 2021 година, и ја донесе посакуваната титула фотограф на годината за диви животни - награда што ја доделува Природонаучниот музеј во Лондон.
Друг фотограф на National Geographic, исто така, освои почести на церемонијата. Сликата на Брент Стиртон од планински горила кој умира му донесе награда во категоријата фото-новинарство.
Други фотографии кои стигнаа до самиот врв:
