Војната на Кавказ трае веќе 13 дена. Вчера беше гранатирана црквата Свети Спас Шуша во Нагорно-Карабах, а борбите не престануваат и денеска.
Бројот на ранети азербејџански цивили во конфликтот со Ерменија околу Нагорно-Карабах се искачи на 164, додека 31 лице го загубија животот, соопшти денеска канцеларијата на Генералното обвинителство на Азербејџан.
„31 цивил беа убиени, додека 164 беа ранети кога Ерменците стрелаа со тешки артилериски и ракетни системи кон нас. Тие пукаат во населените области во Азербејџан, почнувајќи од попладнето на 27 септември, па сѐ до денес“, стои во соопштението.
Генералното обвинителство на Азербејџан додаде дека бројот на ранети е поголем за 10 цивили, во споредба со четвртокот.
Се додава дека ерменските сили гранатираа и оштетија 1.053 куќи, 45 згради и 142 цивилни установи.
12:06 часот
Ерменската армија се евакуира од Степанакерт, соопшти Министерството за одбрана на Азербејџан.
До самото утро се водеа жестоки битки долж фронтот - азербејџанската армија нападна важни правци и ја ограничи слободата на движење на противниците.
„Припадниците на вооружените сили на Ерменија, со големи загуби во нападот на азербејџанската армија врз Ханкенди (Степанакерт) - се евакуираат. Голем број војници беа убиени и ранети во артилериски напад врз една од единиците во Ханкенд“, тврдат во Баку.
11:24 часот
„И покрај сите тешкотии, нашиот народ е обединет како никогаш порано и е решен да застане до крај и да ги брани нашата слобода и независност“.
Азербејџан и Ерменија го потврдија своето учество во консултациите во Москва, соопшти Министерството за надворешни работи на Русија.
„Баку и Ереван го потврдија своето учество во консултациите во Москва. Во тек се активни подготовки“, изјави портпаролот на Министерството за надворешни работи на Русија, Марија Захарова.
Ерменската амбасада во Москва објави дека шефот на дипломатијата на нивната земја, Зограб Мнакаканјан, ќе пристигне во Русија во вториот дел од денот.
Вчера Кремљ објави дека претседателот на Русија, Владимир Путин, ги поканил шефовите на дипломатиите на Азербејџан и Ерменија во Москва.
10:47
Портпаролката на ерменското Министерство за одбрана Шушан Степанјан напиша дека тензиите во Нагорно-Карабах и денеска се на доста високо ниво.
„Ситуацијата на линијата за раздвојување со Азербејџан остана напната. Операциите и тактичките операции не се променети. Престрелките продолжија во некои сектори на фронтот, имаше размена на артилериски оган“, напиша таа на својот Facebook профил.
Таа додаде дека имало и напади врз населени места.
„Одбраната на Нагорно-Карабах целосно ги контролира операциите и тактичките ситуации и е подготвена за секое сценарио“, рече таа.