14 мај 1948, создадена била државата Израел

На денешен ден во 1948 година израелскиот премиер Давид Бен-Гурион ја објавил декларацијата за создавањето на еврејската држава Израел на историските територии на еврејскиот народ од антиката.

По завршувањето на Втората светска војна илјадници еврејски бегалци од Европа се упатиле кон Ветената Земја која тогаш била под британска контрола. Евреите почнале со напади врз колонијалните власти по што по интервенција на Обединетите нации на 29 ноември 1947 година било одлучено да се формираат две нови држави на поделената територија: Израел, како држава на Евреите, и Палестина, како држава на Палестинците. Евреите ја прифатиле резолуцијата, додека Арапите ја одбиле. Во 1949 година Израел би примен во ОН, а Палестина до ден денес нема вистинска држава.

Оттогаш, со почетокот на државата Израел почнуваат и воените конфликти со околните арапски земји кои траат до ден денес.