Ноќеска во НБА лигата се одиграа 9 натпревари, а вниманието го украдоа Никола Јокиќ и Ивица Зубац.
Кошаркарите на Денвер Нагетс го забележаа вториот последователен пораз и покрај новата одлична партија на Никола Јокиќ. Денвер беше поразен кај Чикаго Булс со 129:121 и покрај тоа што Јокиќ забележа нов трипл-дабл, број 21 сезонава.
Јокиќ брилираше со 33 поени со феноменални 15/21 шут од поле, 12 скокови, 14 асистенции и, некарактеристично за него, имаше 5 забивања. Сепак, и тоа не беше доволно за триумф. Ова е шести трипл-дабл на Србинот во последните седум натпревари.
Главен виновник за тоа беше одличниот Никола Вучевиќ, кој брилираше на другата страна.
Иако сѐ почесто се споменува неговиот трејд во Феникс Санс за Босанецот Јусуф Нуркиќ, тоа не влијаеше на Вучевиќ, кој забележа 20 поени, 10 скока и 6 асистенции.
Кошаркарите на Феникс Санс на домашен терен го победија Лос Анџелес Клиперс со 111:109 и покрај феноменалниот настап на Хрватот Ивица Зубац.
Се играше изедначено од почетокот на натпреварот, а Феникс во втората четвртина направи забележителна разлика, па првото полувреме заврши со 60:47 за домашните.
До крајот на натпреварот Клиперс успеаја целосно да се вратат во игра, а во драматичното финале сепак немаа доволно сили за целосен пресврт.
Најдобар кај Феникс беше Девин Букер со 26 поени, додека Кевин Дурент додаде 24.
На другата страна, брилираше Зубац. На теренот мина 34 минути и за тоа време оствари брутален дабл-дабл учинок од 25 поени и 16 скокови. Воедно, тоа е сезонски рекорд на Зубац по бројот на постигнати поени. Додаде и 4 асистенции. Сепак, помош имаше само од Џејмс Харден, кој постигна 24 поени со 10 асистенции.
Резултати:
Шарлот Хорнетс - Лос Анџелес Лејкерс 97:102
Кливленд Кавалирс - Детроит Пистонс 110:91
Мајами Хит - Орландо Меџик 125:119 прод.
Бруклин Нетс - Сакраменто Кингс 96:110
Бостон Селтикс - Хјустон Рокитс 112:114
Њујорк Никс - Мемфис Гризлис 143:106
Торонто Репторс - Њу Орлеанс Пеликанс 113:104
Минесота Тимбервулвс - Атланта Хокс 100:92
Далас Маверикс - Вашингтон Визардс 130:108
Табела:
