22 февруари 1975, родена е Дру Баримор
На денешен ден, 22 февруари, во 1975 година, е родена Дру Баримор, американска актерка, авторка, режисерка, модел и продуцентка. Таа се прослави уште на седумгодишна возраст со улогата во филмот „E.T.“ на Стивен Спилберг. По турбулентното детство во кои се бореше со зависности од дрога и алкохол и по два обида за рехабилитација, таа на 15 години ја напиша својата автобиографија насловена „Изгубено девојче“.
Нејзините најпознати улоги се во филмовите Poison Ivy (1992), Boys on the Side (1995), Mad Love (1995), Scream (1996), Ever After (1998), The Wedding Singer (1998), 50 First Dates (2004), Blended (2014), Never Been Kissed (1999), Charlie's Angels (2000), Donnie Darko (2001), Riding in Cars with Boys (2001), Confessions of a Dangerous Mind (2002), Charlie's Angels: Full Throttle (2003), Fever Pitch (2005), Music and Lyrics (2007), Going the Distance (2010), Big Miracle (2012) и Miss You Already (2015).
Во брак е со Вил Копелман, со кого има две ќерки: Олив (родена во 2012) и Френки (родена во 2014). Назначена е за Амбасадор против гладот при Светската програма за храна (WFP) на Обединетите Нации и оттогаш има донирано повеќе од милион долари на програмата. Баримор има своја ѕвезда на Холивудската патека на славните.