27 март 1977, се случила најголемата авионска несреќа во историјата

На денешен ден во 1977 година, два авиона Boeing 747 удриле еден во друг на аеродромот во Тенерифе, при што загинале вкупно 582 патника и сите членови на двата екипажа.

Летот 1736 на Pan Am од Лос Анџелес и летот 4805 на холандскиот KLM воопшто не требало да бидат на аеродромот во Тенерифе, туку нивната дестинација бил Лас Палмас на соседниот остров Гран Канарија. Милитантите од движењето за отцепување на Канарските Острови од Шпанија активирале бомба на аедродромот во Лас Палмас поради што истиот бил затворен, а летовите пренасочени.

Откако аеродромот бил повторно отворен, KLM требало да полета прв, а веднаш по него Pan Am. Се судриле на самата писта, веднаш кај излезот 4. Истрагата уврдила повеќе причини за несреќата меѓу кои и: обидот на KLM да полета без конечна дозвола; маглата поради која пилотите на двата авиона не можеле да се видат еден со друг; пречки во радио комуникацијата од други летови; употреба на нестандардни фрази од холандскиот копилот при комуникацијата со кулата; неизлегувањето на Pan Am од предвидениот излез 3 и продолжување кон излезот 4.