Издавачката куќа „Или-Или“, чие мото е „Ваше право на добра книга“, денеска го почнува еднонеделниот попуст на 70 наслови на македонски автори од својата понуда.
„Нашите авторки и автори се највозбудливиот дел од приказната што Или-Или ја испишува изминативе 18 години. Токму квалитетот на новата македонска литература стана препознатлив белег на нашата издавачка куќа. Од 15 до 22 јуни во нашата книжарница 70 наслови ќе бидат достапни по мошне популарни цени“, најавија од издавачката куќа, во чија понуда има дела на наградуваните автори Румена Бужаровска и Петар Андоновски, меѓу другите.
Ценовникот може да го погледнате ТУКА, а нарачки може да направите во порака преку нивната Facebook страница.
Од „Или-Или“ додаваат дека за нарачки од над 1.000 денари доставата е бесплатна.
