Канадската тенисерка ја прифати понудата на својот обожавател, а парите ќе ги донира во борбата со коронавирусот.
Ожени Бушар беше на 5. место на ВТА ранг-листа во 2014 година кога играше и во финалето на Вимблдон. Ѝ предвидуваа голема кариера опишувајќи ја како следната владетелка на тениските терени, но денес е дури на 332. место. Сепак, поради атрактивниот изглед и натаму е популарна.
Еден нејзин обожавател ќе плати дури 78.000 евра само за да ја однесе на вечера и плус да присуствува на еден нејзин Гренд слем натпревар. 26-годишната Бушар целата сума ќе ја донира во борбата со коронавирусот.
