Шпекулациите околу смртта на севернокорејскиот лидер не стивнуваат. Најновата информација е од Ји Сонг Хо, кој побегнал од Северна Кореја и неодамна стана пратеник во јужнокорејскиот Парламент.
99 отсто е сигурно дека Ким Џонг Ун е мртов, тврди тој.
Ји нагласи дека е информиран оти Ким починал пред една недела и дека можно е Пјонгјанг да ја објави веста во текот на овој викенд.
Според него, можно е истовремено да биде соопштено дека за наследник на Ким ќе биде избрана неговата сестра Ким Јо Џонг.
Тој прецизираше дека е известен оти Ким починал минатиот викенд поради компликации по операција на срцето, пишува лондонскиот весник Mirror.
Ким не се појави во јавност од 11 април, кога претседаваше со состанокот на Политбирото на владејачката работничка партија.
Шпекулациите за неговото здравје и за тоа каде се наоѓа се зголемени откако не присуствуваше на прославата по повод роденденот на Ким Ил Сунг на 15 април, кој е најважен државен празник.
Светските медиуми оттогаш пишуваат дека здравствената состојба на Ким Џонг Ун е влошена, а повеќето шпекулираат и дека тој починал.
Светските медиуми пишуваат дека врз него е извршена операција на срцето, по која тој се наоѓа во „вегетативна состојба“, но тие информации не се официјално потврдени.