Почнувајќи од 2021 година легендарниот Adobe Flash повеќе нема да биде достапен.
Во 2017 година Adobe најави дека планира да стави крај на својата Flash платформа. Сега, тоа се официјализира: Adobe Flash нема да биде достапен по 31 декември 2020.
Flash играше значајна улога во развојот на многу делови ширум интернетот, особено во 90-тите и раните 2000-ти години. Нудеше помош кај веб-страниците при анимации, игри и видеа.
На почетокот, дури и YouTube беше зависен од Flash за стримување на своите видеа. Но, во првата половина од првата декада во новиот милениум, Flash стана сѐ помалку и помалку популарен поради појавата на други помоќни платформи, како HTML 5 и CSS 3. Покрај тоа, имаше потреба од поефикасна алатка за работата на смартфоните.
Веќе во 2010 година почна да се насетува крајот на Adobe Flash. Тогаш Стив Џобс, основачот на Apple, објасни зошто неговите продукти како iPad, iPhone и други не можат да работат со Flash. Со оглед на популарноста на производите на Apple, јасно е зошто употребата на Flash драстично опадна.
Но, не значи дека од 1 јануари 2021 година нема да може повеќе да го имате и употребувате Adobe Flash, туку едноставно платформата нема да се надоградува и да произведува нови верзии. Доколку и натаму користите Flash, имајте на ум дека во иднина ќе работи со значително намалена безбедност.
