Аеродромот „Flughafen Zürich“ планира да користи роботи коишто ќе ги чистат просториите, како и автомати за продажба на маски.
Исто така, ќе направат и дополнителни простории за патниците коишто чекаат. Сите овие новости се резултат на тоа што авиокомпаниите планираат да го зголемат бројот на летови по пандемијата.
Reuters пишува дека авиокомпаниите како што се Lufthansa, Swiss international и Edelweiss Air планираат да ги зголемат своите услуги во наредните недели бидејќи многу држави ќе ги отворат границите од наредниот месец.
Ќе бидат ангажирани и редари коишто ќе проверуваат дали се почитуваат заштитните мерки. Ќе има повеќе места на кои ќе се врши пасошка контрола.
И во Швајцарија важи правилото да се носи заштитна маска или да се покријат носот и устата со марама.
