Аргентинскиот напаѓач објасни зошто одбил да го земе дресот со бројот 10 кој стана слободен со заминувањето на Лео Меси.
Серхио Агуеро е близок пријател со Лионел Меси, кој всушност и е кум на неговиот син Бенхамин кој го доби со ќерката на Диего Марадона. Но, Агуеро не дочека во Барса да игра заедно со Меси бидејќи само што потпиша летово, Меси си замина.
Иако имаше шанса да ја наследи неговата десетка, Агуеро одбил.
„Го одбрав дресот со број 19 бидејќи беше слободен, и бидејќи истиот го носам и во репрезентацијата на Аргентина. Соиграчите ми сугерираа да ја земам десетката, но одбив. Всушност, десетката многу подобро му стои на Ансу Фати“, рече тој на прес-конференцијата по повод утрешниот натпревар во Лигата на шампионите против киевски Динамо.
Така, популарната десетка денес го краси грбот на младиот Ансу Фати, колку и да е чудно за сите оние кои се навикнати да ја асоцираат со Меси. Во својот нов клуб ПСЖ, Меси го носи дресот со бројот 30 бидејќи таму десетката веќе ја имаше земено Нејмар.