Напаѓачот на Манчестер Сити, Серхио Агуеро најверојатно ќе остане надвор од терените до ноември. Ова го изјави за BBC менаџерот на „граѓаните“ Пеп Гуардиола.
Триесет и двегодишниот Аргентинец го оперираше коленото во јуни и ги пропушти последните 12 натпревари на Манчестер Сити од сезоната 2019/20.
– Знаевме дека станува збор за сериозна повреда. Тој уште не тренираше со првиот тим и Серхио не е еден од играчите кои брзо се опоравуваат. Тој е надвор од теренот подолго време, па ќе му треба уште еден месец или два за закрепнување, предвиде Гуардиола.
