Ова е добро дизајнирана апликација која нуди точни податоци за квалитетот на воздухот за повеќе од десет илјади градови во повеќе од 80 земји во светот, вклучувајќи ја и Северна Македонија.
Покрај тековните податоци, апликацијата нуди и временска прогноза, но и други корисни работи…
ОСНОВНИ ИНФОРМАЦИИ
Име: AirVisual
Намена: Следење на квалитетот на воздухот низ целиот свет
Android - Google Play
iOS - App Store
Цена: Бесплатна
Квалитетот на воздухот во поголемите градови може да варира значително, и додека некои од најголемите светски градови водат во рангирањето на градови со најлош квалитет на воздухот, има и такви во кои е пожелно дишење „со полни гради“.
Со оваа апликација може да ги дознаете тековните податоци за квалитетот на воздухот за повеќе од десет илјади градови во повеќе од 80 земји во светот.
Покрај тоа, во апликацијата може да се најдат постари податоци и предвидувања за тоа како ќе се движи квалитетот на воздухот. Има и временска прогноза за следните седум дена, но без мноштво податоци за времето што инаку може да се видат во апликациите специјализирани за временска прогноза.
Покрај тековните податоци и предвидувања, AirVisual нуди и препораки за тоа како да се намали изложеноста на загадување, а тоа е особено корисно за сите оние кои страдаат од астма и други респираторни заболувања. Податоците се собираат од голем број уреди, и секој што ги има може да се приклучи на овој систем и со тоа да им помогне на сите оние за кои лошиот квалитет на воздухот предизвикува цела низа проблеми.
Меѓу другите можности, треба да ги издвоиме прикажувањето на градови и уреди за мерење на квалитетот на воздухот на мапата, едноставно пребарување на градовите, скалите на загадување и други работи. Апликацијата е потполно бесплатна и најдобро од сѐ, никаде не се прикажуваат реклами.