Канадскиот актер Џамил Френч почина ненадејно на 29-годишна возраст.
Портпарол на актерот кој беше најпознат по улогата на Дејв Тарнер во тинејџерската серија „Degrassi: The Next Generation“ , ја потврди веста за Page Six.
„Со тешко срце потврдувам дека мојот драг пријател и клиент Џамил Френч почина. Многумина ќе го паметат по неговата страст кон уметноста, посветеноста кон неговиот занает и енергичниот карактер“, рече тој.
Неколкумина поранешни колеги на Џамил се простија од него преку социјалните мрежи.
Извршниот продуцент на проектот „Soundtrack “ го нарече Френч „голема инспирација“.
„Можам да потврдам дека мојот добар пријател, соработник и голема инспирација Џамил Френч почина вчера“, напиша Сафран на Twitter.
Актерката Ана Кларк сподели видео во кое Џамил танцува.
„Срцето ми е скршено поради загубата на нашиот пријател Џамил... Толку беше полн со енергија и забава. Секогаш танцуваше. Вистински талент и одличен пријател. Ќе ни недостигаш на сите“, напиша Кларк.