Рускиот опозиционер Алексеј Навални ја напушти берлинската болница во која беше лекуван откако на 20 август беше отруен со нервен гас – Новичок.
Веста за неговото заминување од болницата е објавено на социјалните мрежи. Докторите сметат дека Навални може целосно да закрепне од труењето, пишува Guardian.
44-годишниот Навални беше 32 дена пациент во берлинската болница, а токму германските власти објавија дека е отруен со новичок. Тој вели дека е вистинско чудо што е пуштен од болница откако беше лекуван од труењето со Новичок.
Лабораториите во Германија, Франција и Шведска потврдија дека е отруен со истиот нервен гас употребен за Сергеј Скрипал во 2018 година.
Навални вели дека првиот пат кога се погледнал во огледало по 16 дена минати во кома, изгледал како лик од „Lord of the Rings“ и би исплашен дека никогаш нема да излезе од болницата. Тој сака да го врати во нормала својот живот и на Instagram објави фотографија како седи на клупа во парк. Сè уште е потребно време за да ја поврати физичката сила и секој ден ќе има физиотерапија.
Кога ги прашал докторите како да го вежба мозокот, тие го советувале повеќе да чита, да пишува на социјалните мрежи и да игра видеоигри.
Од Кремљ се задоволни од закрепнувањето на Навални и оттаму велат дека тој може слободно да се врати во Русија.
