Босанскиот музичар Ален Исламовиќ всушност не се вика така. Решил да престане да го користи своето вистинско име бидејќи сметал дека тоа не е соодветно за неговиот имиџ.
Имено, кога групата „Divlje jagode“ станувала сѐ попопуларна во раните 80-ти години на минатиот век, вниманието на продуцентите го привлекол младиот пејач Алија Исламовиќ.
„Кога се појави 'Divlje jagode', групата во која пееше Исламовиќ, водачите на поранешниот Jugoton дојдоа до идеја што на почетокот не му се допадна. Тие му предложија на Алија да го користи уметничкото име Ален, со образложение дека звучи подобро и дека ќе добие голема популарност меѓу публиката. Тој малку се двоумеше, не сакаше да си го смени името, но набрзо попушти и ги послуша советите на претпоставените. Денес речиси никој не знае дека всушност името на Ален е Алија“, изјави за Курир неименуван извор.
Пејачкот потврди дека овие наводи се точни.
„Точно е. Нема ништо чудно во тоа, многу светски ѕвезди избираат друго име за да ѝ се претстават на јавноста, обично некое што звучи попримамливо. Така беше и во мојот случај“, објасни Исламовиќ.
Ален беше член на рок бендот „Divlje jagode“ од 1979 до 1986 година, а потоа на „Bijelo Dugme“ од 1986 до 1989.
