Италијанската компанија Alfa Romeo по пат на видео објавено на Twitter најави дека на Саемот за автомобили во Женева ќе претстави многу важен нов модел.
Во видеото не се наведуваат детали за името, дизајнот, но според звукот на моторот, тој е многу сличен на постоечкиот 2,9-литарски V6 мотор кој го придвижува актуелниот модел Quilia Quadrifoglio. Затоа, најверојатно се работи за новата верзија на лимузина со високи перформанси.
Од Alfa Romeo за магазинот Autocar рекоа дека повеќе детали ќе бидат откриени во наредните денови.
Се шпекулира дека за новиот модел ќе биде вратена историската GTA ознака и дека Alfa Romeo Quadrifoglio GTA ќе биде полесен за 20 кг во однос на стандардниот модел.
Освен тоа, новиот Quadrifoglio GTA најверојатно ќе ја користи подобрената верзија на V6 мотор кој ќе испорачува 612 коњски сили.
Се очекува дека новиот модел ќе биде произведен во ограничен број.
