Познатата пејачка Алиша Кис наполни 41 година, а со роденденска објава на социјалните мрежи ги израдува нејзините обожаватели.
„Роденден ми е, многу сум благодарна што сум жива. Благодарам на секоја личност која синоќа ме изненади планирајќи го мајсторското изненадување. Многу ме усреќивте. Ви испраќам голема љубов за секоја роденднеска желба, молитва и убава енергија што ми ја испративте досега. Ве чувствувам сите. Вчера цел ден не знаев што се случува или што ќе се случи. Сега навистина не знам што да очекувам. Знам само едно, ја славам секоја секунда бидејќи животот е премногу скапоцен за да губиме време. Ве обожавам“, напиша пејачката во описот на фотографијата.
Минатата година го издаде нејзинот осми албум. Иако во досегашната успешна кариера има освоено 15 Греми награди и е горда мајка на две деца, оваа роденденска порака многумина ги потсети на нејзиниот тежок животен пат.
„Јас сум онаа личност која не требаше да успее. Требаше да завршам како проститутка, млада мајка на 16 години или зависник од дрога. Јас сум токму онаа која беше на погрешно место во погрешно време“, изјави пејачката во едно интервју.
Таа призна дека музичката кариера ја има спасено од пеколот на дрогата, проституцијата и лошиот живот. Алиша има израснато во њујоршкиот кварт познат како Пеколна кујна, област која во тоа време имало највисок степен на проституција. Тврди дека од малечка има сведочено на тажни човечки приказни.
На сцената се проби во 2001 година со песната „Fallin'“ и често истакнува дека никогаш не заборавила од каде доаѓа.
