Weilan, компанија со седиште во Нанѓинг, Кина, разви роботско куче наречено AlphaDog.
AlphaDog е роботско куче опремено со сензори и вештачка интелигенција што му овозможува да извршува голем број функции.
Кинескиот робот е многу сличен на Sport, роботско куче произведено од Boston Dynamics. Тоа е робот со четири нозе што е повеќе ориентиран кон комерцијалниот пазар отколку за бизнис корисници.
„Многу личи на вистинско куче“, вели Ма Ѓие, еден од шефовите на компанијата Weilan.
Кучето-робот може да се движи со брзина до 15 км/ч, што значи дека е најбрзиот робот на пазарот. Тој е многу стабилен и може да ги предвиди видот и висината на подлогата и да се прилагоди на неговата околина. За да може роботот да функционира автономно, тој користи технологија 5G.
Продажбата во Кина веќе започна, а во текот на првиот месец беа продадени над 1.800 роботи. Цената на едно роботско куче е 2.400 долари.
„Најчесто ги нарачуваат програмери, гикови, но и деца на кои им се допаѓа ваквото ‘милениче’“, рече Ма.
Од Weilan се надеваат дека нивното роботско куче AlphaDog наскоро ќе може да им помага на лицата со оштетен вид.
„Помагањето на лицата со оштетен вид е важна цел за нас. Кога роботот ќе добие функција на вид, слух и дијалог, тој ќе може лесно да комуницира со лица со оштетен вид, да ги однесе до автобуската станица, супермаркет и слично", додаде Ма.
Компанијата има и поголемо куче-робот наменето за индустриска инспекција и одржување на машини.