Американскиот технолошки гигант Amazon денеска најави дека ќе отвори 75.000 работни места низ својата мрежа на магацини и дистрибутивни центри во САД и Канада.
Компанијата, исто така, соопшти и дека ќе им понуди бонус од 100 долари на нововработените кои имаат потврда дека се вакцинирани против COVID-19.
Амазон додаде дека ќе понуди просечна почетна плата од 17 долари на час на тие работни места, што е одраз на неодамнешното зголемување на платата во опсег од 50 центи до 3 долари на час за повеќе од половина милион вработени во САД кои работат во таа компанија, објави CNBC.
Нудењето разни поволности за привлекување кандидати е сè пошироко распространет феномен меѓу американските фирми кои бараат работна сила на пазарот на трудот.
Некои компании тврдат дека имаат проблем да најдат работници, објаснувајќи дека тоа се должи на зголемените бенефиции кои ги уживаат невработените. Критичарите велат дека работодавачите треба да размислат за зголемување на платите со цел да привлечат работници.
