Полицијата во Холандија објави снимка од убиството на Хрватот Иван Сердарушиќ (62), во јули 2018 година во Амстердам од страна на Чабa Дер (38), платен убиец со унгарско и српско државјанство.
По убиецот трагаат српската и холандската полиција. Дер е осомничен дека на 5 јануари годинава во Србија убил 37-годишен маж и уште еден маж во Будимпешта. Полицијата верува дека Дер пристигнал во Холандија околу 8 јули, а три седмици подоцна облечен како турист убил Хрват во италијански ресторан во Амстердам. Тој влегол во ресторанот и му пукал на човекот во глава.
Лицето на убиецот се гледа од снимките на надзорните камери, а на местото на злосторството се пронајдени и негови ДНК траги.
Од снимката се гледа како убиецот ладнокрвно влегува во ресторанот, а потоа си заминува трчајќи.
