Тренер на Реал Мадрид, Карло Анчелоти, откако неговиот тим синоќа го елиминираше Челси во четвртфиналето од Лигата на шампионите, изјави дека магијата на нивниот стадион е заслужна за големиот спектакл.
„Победивме бидејќи имавме енергија да ја оживееме играта, што и успеавме благодарение на промените. Не заслуживме негатива од 2:0. Изгинавме по паузата бидејќи ни недостигаше специјалист за одбрана против нив, Милитао.
Се мачевме, но тоа е нормално кога играш против клубови како Челси, кој има одличен тим. Мислам дека не бевме доволно гладни за голови, бидејќи на почетокот не ни требаа. Но, заслуживме да поминеме. Водството на противникот од 3:0 нѐ ослободи, а на виделина излезе магијата на 'Бернабеу', магијата на овој клуб...“, изјави Анџелоти.
Италијанскиот стручњак потоа му честиташе на својот колега Унаи Емери за пласманот во полуфиналето со елиминацијата на гигантот Баерн.
„Му честитам на Унаи Емери. Среќен сум за Виљареал, навистина сум среќен поради нив. Заедно дадовме големо охрабрување за сите од Шпанија. Слушав приказни за тоа како шпанските клубови се инфериорни во однос на англиските, а еве две шпански екипи се во полуфиналето“, изјави Анџелоти.
Може да им се придриужат и две англиски доколку вечерва Ливерпул и Манчестер Сити го одбранат водството од првите натпревари. Но, може да бидат и 3 шпански во полуфиналето доколку Атлетико успее да ја надокнади негативата од еден гол во пресметката со „Граѓаните“.