Апликацијата што ја тестира отпорноста на смартфонот на вода е достапна во продавницата Google Play, а ја забележаа дечките од Android Police, кои велат дека апликацијата спаѓа во категоријата „кул работи што не сме знаеле дека може да ги направите со апликација“.
Water Resistance Tester го тестира интегритетот на IP67/IP68 рејтингот на вашиот Android телефон со пристапување до барометарот на уредот. Само преземете ја бесплатната апликација, следете ги упатствата и ќе добиете брза оценка дали вашиот смартфон го помина или го падна тестот. Едноставно е и практично, што е комбинација што ние гик бубалиците ја сакаме, објаснуваат од Android Police.
Инвеститорот Реј Ванг вели дека ја создал апликацијата за да им помогне на луѓето да ја проверат водоотпорноста на нивните уреди по поправките, бидејќи уредите откажуваат со тек на време. Очигледно е дека нема да ја земете „прелазната“ оценка „здраво за готово“ и да го фрлите телефонот во вода. Сепак, врз основа на повратните информации од корисниците на Reddit и рецензентите на Play Store, се чини дека апликацијата е сигурна. Galaxy Note 20 Ultra, оценет со IP68, првично го помина тестот, но кога ќе се отстрани слотот за SIM-картичката, потфрла. TCL 20 Pro 5G, кој нема IP рејтинг, исто така не помина.
Оваа апликација не е прва од ваков вид, но се чини дека некои од постојните апликации за тестирање отпорност на вода во Play Store се дизајнирани за постари телефони со различен стил на хидроизолација од оние што моментално се користат во телефоните и можно е сега да не работат точно, според рецензиите на корисниците.
Како и да е, се чини дека оваа нова апликација добро функционира и е бесплатна, ако му дадете бакшиш од 1 долар на програмерот да ја отстрани малата реклама на дното на екранот. Не е лоша цена за малку гик забава.
