Поранешниот играч на ПСЖ и европски шампион со Франција од ЕУРО 2000 смета дека Меси мора да разбере дека не е повеќе главен како што беше во Барса, и да почне да игра за Мбапе.
Никола Анелка е дете на ПСЖ каде од младинската академија излезе во 1996 година и веднаш се покажа како расен голгетер. Арсенал брзо го купи, а потоа играше и за Реал, повторно ПСЖ, Ливерпул, Манчестер Сити, Фенербахче, Болтон, Челси, Шангај, Јувентус, ВБА и Мумбај Сити.
Како Французин и поранешен играч на ПСЖ ги следи случувањата во францускиот фудбал, особено откако во тимот летово пристигна ѕвездата Лео Меси. Но, ПСЖ сѐ уште не покажува доминација каква што се очекува, а Анелка смета дека проблемот е во нападот каде трите ѕвезди Меси, Нејмар и Мбапае треба да соработуваат еден со друг. Анелка нема дилеми - главен играч треба да биде Мбапе, а не Меси.
„Нападот мора да биде предводен од Мбапе, бидејќи тој е број еден. Меси беше во Барселона, но нега мора да му служи на Мбапе. Тој во клубот е пет години и Меси мора да има почит за него“, вели поранешниот голгетер говорејќи за Le Parisien.
„Тој е феноменален играч кога станува збор за брзината, нема никој подобар од него. Доколку ПСЖ сакаат да го имаат најдобриот тим, мота да направат сѐ за да го задржат“, додаде осврнувајќи се на гласините дека младиот Французин сака да си замине наредното лет.
„Тој ја сонува Златната топка. Доколку Килјан изминативе три сезони играше во Англија или Шпанија, веќе ќе ја имаше освоено. Како може да ја освои кога игра во шестата најдобра лига според коефициентот на УЕФА?“, Анелка ја разбира желбата на Мбапе за проме на средината.
ПСЖ вечерва од 21 часот го пречекува Манчестер Сити во Лигата на шампиони, а настапот на Меси нема да се знае до последен момент поради повреда на коленото.