Стојанче Ангелов синоќа во гостувањето во Канaл 5 телевизија истакна дека според неговото сфаќање Македонците се староседелци на Балканот и потекнуваaт од Античките Македонци.
Лидерот на Достоинство, партија која е во владејачката коалиција предводена од СДСМ, синоќа беше дел од дебатата во емисјата „Само вистина“ каде главна темa беше негирањеtо на македонскиот идентитет и јазик од страна на Бугарија.
„Ние сме Македонци отсекогаш. Јас и во моите јавни настапи, континуирано, од појавата на Достоинство зборувам дека, јас верувам дека ние Македонците сме староседелци отсекогаш и дека потекнуваме од Античките Македонци“, рече Ангелов.
Воедно, тој призна и дека ја поддржува теоријата за обратна миграција, односно дека не верува дека Словените дошле од зад Карпатите, туку дека народите од Балканот биле тие што се населиле на север од полуостровот.
„Нормално дека сме измешани со сите народи коишто дошле овде и јас верувам во една обратна теорија, не дека од зад Карпатите некој дошол овде, туку дека обратно, дека од овде луѓето оделе на север. Но, тоа сепак е ирелевантно, затоа избегнувам често да го зборувам во моите јавни настрапи“, кажа лидерот на Достоинство.