Стојанче Ангелов, познат во јавноста како Генералот, вели дека не сите јавни дебати продуцираат омраза, за што наведе пример со двајца негови противници со кои на ТВ изгледа непријателски, а всушност пред или по дебатата заедно пие кафе.
Предзиборната кампања, покрај купот негативните спотови од политичките партии, на граѓаните им сервбираше и дебати полни со омраза, цинизам, исмевање и секаков вид на напад и омаложување на противникот. Дека не сите дебати се се такви открива лидерот на Достоинство кој во гостувањето во „Утрински брифинг“ на Слободна ТВ даде пример дека постојат и нормални политичари кои кои и покрај крајно различните ставови тој пред или по дебатите оди на пријателско кафе.
„Јас, во сите мои дебати или ТВ дуели, ги повикувам гледачите да не наседнуваат на нашата жестока реторика. Затоа што, ќе го спомнам Филип Петровски, или Димитар Апасиев, ние дебатираме жестоко, но пред или по емисијата ние обично пиеме кафе во коешто разговараме најнормално. Ние не ги променуваме нашите ставови. Нашите ставови пред, за време и после емисијата се исти, но не чувствуваме омраза едни кон други. И ако се сретнеме на улица ние не се одминуваме, ние секогаш се поздравуваме“, вели Генералот.
Ангелов, чија партија е дел од коалицијата со владејачката СДСМ, открива и дека за многу работи има различни ставови со своите коалициони партнери.
„Јас тоа го кажувам, но треба сите да посветиме внимание на тоа, бидејќи додека ние се расправаме, негативната енергија којашто оди во етерот и којашто ја примаат гледачите е мултиплицирана, бидејќи не секој еден обичен граѓанин има капацитет да ја апсорбира и да сфати дека тоа се различни стваови, дека ние не можеме да очекуваме од различни луѓе да имаат исти сфаќања за различни работи. Ние дури и во нашата коалиција, па и во самата партија имаме различни сфаќања за исти теми, нешто поради што посебно го почитувам претседателот на СДСМ Зоран Заев затоа што не само од него, туку и од раководството на СДСМ имам можност слободно да ги изразувам моите ставови коишто во одреден дел се разликуваат од нивните“, заврши тој.