УЕФА донесе одлука по дисциплинска постапка иницирана против Англија по инцидентите во полуфиналниот натпревар на ЕУРО 2020 против Данска.
За време на изведување на пеналот на Хари Кејн, кон голманот на Данска Каспер Шмајхел англиски навивачи насочија ласерско светло.
Англиската фудбалска асоцијација е казнета вкупно со 30 илјади евра и за употребата на пиротехника на нејзините навивачи, како и за недолично однесување за време на интонирање на данската химна.
За потсетување, во финалето на ЕУРО 2020 Англија утревечер од 21 часот во Лондон на „Вембли“ ќе игра со Италија.