Англиската фудбалска репрезентација е со најголема вредност од сите учесници на ЕУРО 2020. Македонија од 24 екипи се наоѓа на претпоследно место.
Според сајтот за проценка Transfermarkt, македонската репрезентација е проценета на 61.8 милиони евра и на листата се наоѓа по Унгарија (74 милиони) и пред Финска (44 милиони евра).
Англиската репрезентација вреди 1,27 милијарди евра, Французите тежат 1,03 милијарди, Германија 936 милиони, Шпанија 916 милиони, додека на петтото место се Португалците со вредност од 872 милиони евра.
Хрватска е на деветтото место со процена од 376 милиони евра. Шкотска е проценета на 269 милиони евра, додека Чешка на 190 милиони.
Од сите пријавени играчи најскап е францускиот напаѓач Килјан Мбапе, проценет на 160 милиони евра.
На второто место е Хари Кејн, проценет на 120 милиони евра.
Највреден во редовите на Македонија е Елиф Елмас, 17 милиони евра. Зад него е Енис Барди, проценет на 15 милиони евра на пазарот.