Лидерот на Левица, професорот Димитар Апасиев, прогнозира дека уставните измени за внесување на Бугарите во Уставот ќе се случат по локалните избори наредната година.
Во вечерашното гостување во „Слободен печат“ професорот по римско право зборуваше и за уставните измени.
„Уставни измени ќе има, ама не со Левица, затоа што Левица ќе застане одлучно против. Нема да поминат до локалните избори, сигурно, затоа што тоа ќе го дупне балонот на ДПМНЕ, на 'патриотската' партија. Но, понатаму - да - ќе следуваат. Они можат да возат, меѓутоа власта е слатка и гледате дека сѐ што порекнуваа во кампањата и преткампањата сега го слават како 'чудо на дипломатијата'. Тоа беше за Преспанскиот договор. Или сега за Бехтел и ЕНКА, ако гледате се сечат ленти на 'најкриминалниот проект - така го викаа'“, рече Апасиев.
