Сингапурскиот залив Марина Беј е познат по иновативната архитектура, а благодарение на Apple на оваа локација сега се наоѓа уште еден објект со креативен дизајн. Станува збор за Apple Marina Bay Sands – првата Apple продавница во светот што плови на вода.
My Modern Met пишува дека продавницата на вода е дизајнирана од архитектите од компанијата Foster+Partners.
Оваа градба е инспирирана од римската архитектура. Продавницата е направена од стакло при што нуди прекрасен поглед на градот. Ентериерот е исполнет со мебел од дрво.
До продавницата се стигнува преку подводен тунел кој е долг 45 метри.