Американскиот технолошки гигант Apple оствари раст на вкупните приходи во кварталот јануари-март 2021 година од 54 проценти во споредба со истиот период минатата година, и значително поголема добивка отколку што очекуваа трговците на Волстрит.
Акциите на Apple се зголемија за повеќе од 4% во продолженото тргување во еден момент по објавувањето на деловниот извештај, објави CNBC.
Двоцифрен пораст на продажбата бележат сите категории производи на Apple, со неговиот најважен производ, смартфонот iPhone, кој забележа скок на приходите од продажба за 65,5% во споредба со претходната година.
Продажбата на компјутери се зголеми за 70,1% додека на iPod – за речиси 79% на годишно ниво.
Компанијата соопшти дека ќе ја зголеми дивидендата за 7%, на 0,22 долара по акција и одобри купување на сопствени акции во вредност од 90 милијарди долари, далеку над минатогодишните 50 милијарди и 75 милијарди во 2019 година.
Вкупните приходи во првите три месеци од оваа година достигнаа 89,58 милијарди долари, што е за 53,7% повеќе од минатата година, додека актерите на пазарот предвидоа дека тие ќе изнесуваат 77,36 милијарди.
Приходите од продажба на Ајфон изнесуваа 47,94 милијарди долари, продажбите на Mac компјутери – 9,10 милијарди долари, а приходите на iPod беа 7,80 милијарди долари.
Продажбата на други услуги изнесуваше 16,90 милијарди долари, додека продажбата на други производи беше 7,83 милијарди долари.