Арон Тејлор-Џонсон се смета за фаворит да го игра Џејмс Бонд во следниот филм на франшизата, откако наводно учествувал на тајна аудиција.
Британските медиуми пишуваат дека 32-годишниот актер ја импресионирал режисерката Барбара Броколи за време на нивната средба во студиото Pinewood.
Шпекулациите за наследникот на Даниел Крег како агентот 007 траат уште од објавувањето на последното продолжение од филмската франшиза. Иако медиумите наведуваат и други кандидати како потенцијален Бонд, се чини дека Арон го презеде водството.
The Sun тврди дека Арон бил на аудиција и ги воодушевил режисерката и продуцентите и сега е еден од главните кандидати за улогата.
Арон, кој е оженет со режисерката на „Fifty Shades of Grey“, Сем Тејлор-Џонсон (55), глумеше во филмови како „Bullet Train“, „Kick-Ass“, „Avengers“.
Тој ја започна својата кариера во ТВ-серијата „Armadillo“ од 2001 година, пред да се појави во „Bill and Casualty", а потоа во биографскиот филм за Џон Ленон „Nowhere Boy“ од 2009 година.
За улогата на легендарниот агент се поврзуваа многу познати имиња, од Хенри Кавил до Том Харди, а летово британските медиуми тврдеа дека главен фаворит е Идрис Елба.