Фудбалските репрезентации на Бразил и Шпанија ќе играат во финалето на олимпискиот турнир во Токио.
Откако Бразил во првотo денешно полуфинале го совлада Мексико по подобро изведување пенали, пласман во финалето попладнево обезбедија и Шпанците, совладувајќи го домаќинот Јапонија.
Полуфиналето во Саитама заврши без голови во регуларниот дел од натпреварот, а голот вреден пласман во олимпиското финале на „црвената фурија“ ѝ го донесе Марко Асенсио во 115. минута.
Финалето ќе се игра в сабота со почеток од 13:30 часот по средноевропско време.