Британската фармацевтска компанија AstraZeneca соопшти дека почна тестирања со терапија со синтетички антитела за превенција и третман на COVID-19, придружувајќи се во напорите во потрага по ефикасен лек за оваа болест.
Компанијата AstraZeneca, што во моментов спроведува клиничко испитување на вакцина против новиот коронавирус, соопшти дека раната фаза на тестирање AZD7442, комбинација на две моноклонални тела, има за цел да ја утврди безбедноста на овој лек.
Во оваа фаза се вклучени 48 здрави доброволци од Велика Британија, на возраст од 18 и 55 години.
Доколку оваа фаза покаже позитивни резултати, AstraZeneca ќе продолжи со натамошни студии за да се утврди ефикасноста на AZD7442 во спречување на инфекција од COVID-19, како и во лекување на пациенти кои веќе се заболени од новиот коронавирус.
AZD7442 е комбинација на две лабораториски произведени моноклонални антитела кои имитираат природни антитела произведени од човечкото тело и во моментов се користи за лекување на некои видови на карцином.
AstraZeneca во јуни доби 23,7 милиони долари од американските владини агенции за подобрување на терапијата со антитела за лекување од COVID-19.
Оваа терапија во моментов ја тестираат и американските компании Regeneron Pharmaceuticals и Eli Lilly and Company.
