Се појави нова аудиоснимка од последните моменти на подморницата „Titan“, која имплодира во Атлантикот, објави британскиот весник The Sun.
Снимката е направена со помош на океански уред на 900 километри од местото на трагедијата и наводно ја открива морничавата бучава од моментот на имплозијата, поточно моментот на дробење на подморницата.
Американската крајбрежна стража го сподели видеото од 20 секунди како дел од истрагата за катастрофата во која загинаа сите 5 члена на екипажот на подморницата „Titan“.
Крајбрежната стража соопшти дека снимен е сомнителен акустичен потпис на имплозија на 18 јуни 2023 година.
„Titan“ исчезна на 18 јуни 2023 година.
Оваа подморница се упати кон потонатиот брод „Титаник“, а спасувачите со денови се обидуваа да ја лоцираат.
Меѓутоа, набргу беше откриено дека „Titan“ имплодирала, при што загинале сите патници.
