Германските обвинители поднесоа кривична постапка поради сомневање дека работниците на Airbus дале пристап до документите за проекти на германската армија. Ако обвинувањата се точни, тогаш гигантот во авиоиндустријата може да западне во проблеми.
Засега, станува збор само за сомнение. Но, доколку се испостави дека е вистина, тоа ќе биде случај на шпионаша со огромни последици, затоа што станува збор за најголемата европска авиокомпанија која покрај цивилните, произведува и воени авиони.
Обвинителството се сомнева дека вработените илегално добиле пристап до два проекта за вооружување кои ги дале на трето лице. Очигледно станува збор за новиот воен комуникациски систем.
После соопштението на Јавното обвинителство во Минхен, Airbus спроведе своја интерна истрага. За сето тоа е информирано и германското Министерство за одбрана и ќе биде спроведена истрага против 17 вработени во Airbus.
