Поради расправија меѓу четворица патници, турски авион на релација Анталија-Астана принудно слета во Ерзурум.
И покрај напорите на стјуардесите на авиокомпанијата Pegasus да ги смират патниците кои започнале расправија, конфликтот прераснал во тепачка, објави турскиот дневен весник Sözcü .
Пар од Украина и двајца патници од Казахстан се скарале само неколку минути по полетувањето на авионот, а причината за конфликтот сѐ уште не е позната.
И покрај напорите на стјуардесите на авиокомпанијата Pegasus да ги смират патниците кои започнале расправија, конфликтот прераснал во тепачка, објави Sözcü.
По инцидентот, за да ја осигураат безбедноста на останатите патници во авионот, надлежните ја однеле раскараната четворка во полициска станица да дадат изјави.
На приведените патници им биле извршени лекарски прегледи во Градската болница во Ерзурум и Универзитетската истражувачка болница „Ататурк“.
По инцидентот, авионот чекал околу еден час на аеродромот во Ерзурум и откако ги евакуирал патниците, повторно полетал и го продолжил летот за Астана.
