Австралиските власти имаат намера да ги отстранат сите камери за надзор од кинеско производство од нивните одбранбени објекти, поради загриженоста за националната безбедност.
Веста доаѓа откако беше откриено дека владините објекти користат повеќе од 900 парчиња опрема за надзор направена од кинеските компании Hikvision и Dahua.
Велика Британија и САД направија сличен потег минатата година, велејќи дека кинеската влада може да има пристап до податоците на уредот.
Од компанијата Hikvision тврдат дека стравот е неоснован, додека Dahua уште не се огласила.
Кинеските камери за надзор ги користат повеќе од 200 австралиски владини објекти и речиси во секое министерство, вклучително и за надворешни работи и канцеларијата на јавниот обвинител. Најмалку една камера е пронајдена во Министерството за одбрана, но засега не е познат вкупниот број на камери лоцирани на локации поврзани со одбраната.
Министерот за одбрана и вицепремиер Ричард Марлс денеска изјави дека владата ќе пронајде и отстрани камери од која било локација што има некаква врска со одбраната на земјата. Исто така, владата ќе размисли дали е неопходно да се отстранат кинеските камери и од други локации. Министерот за сајбер безбедност Џејмс Патерсон, кој повика на преглед, верува дека сите камери треба да се отстранат.
Сепак, Австралија нема начин да знае дали податоците собрани од камерите се споделуваат со кинеските разузнавачки служби. Сепак, кинескиот закон бара секоја организација и граѓанин да „поддржува, помага и соработува со државната разузнавачка служба“.
Сенаторот Патерсон тврди дека Австралија не треба да ги поддржува Hikvision и Dahua од „морални“ причини бидејќи тие наводно се директно вклучени во кршење на човековите права и масовно следење на Ујгурите во Сиѓијанг.
Од друга страна, Hikvision тврди дека не е во ред да да биде прикажувана како закана за националната безбедност. Компанијата тврди дека не може да пристапи до корисничките снимки и затоа не може да ги пренесе на трети лица.
