Двајца австралиски министри се огласија по изјавата на премиерот Даниел Ендрјуз и потврдија дека во Викторија може да влезат само луѓе кои имаат потврда за примери две дози на вакцината.
Алекс Хоке, министер за имиграција истакна дека сите, па и тенисерите кои сакаат да учествуваат на Австралија Опен во Мелбурн мора да бидат целосно вакцинирани. Тоа сè повеќе го оддалечува Новак од учеството на Грен слемот бидејќи првиот рекет на светот не сака да каже дали се вакцинирал или не.
„Немам посебна порака за Ѓоковиќ. Имам за сите коишто сакаат да ја посетат Австралија. Мора да имате потврда за имунизација со две дози. За сите важат истите правила“, рече Хоке.
Истото го потврди и Грег Хант, министерот за здравство.
„Не сакаме да исплашиме никого, ниту некому да направиме услуга. Станува збор за здравјето на целата нација. Не е важно дали сте најдобриот тенисер или нешто друго. Вакцинирајте се и нема да имате никакви проблеми“, истакна Хант.
Австралија Опен ќе се игра во Мелбурн од 17 до 30 јануари 2022 година.