Повеќе од 70 домови се уништени во пожар во предградие на Перт на западот во Австралија, а илјадници луѓе беа принудени да ги напуштат своите домови.
Пожарот во Западна Австралија уништи појас од над 9.000 хектари и 71 дом, соопштија властите потсетувајќи на пожарите што уништија милиони хектари на истокот на земјата пред една година.
Ситуацијата ја влошуваат силните ветрови.
Додека пожарникарите се бореа со пожарот на стрмен, недостапен терен, властите им соопштија на жителите на Булсбрук, населба со 6.600 жители во четвртиот по големина град во Австралија, веднаш да ја напуштат областа.
Во исто време, два милиона жители на градот се во петдневен карантин до петок, откако само едно лице излезе позитивно на вирусот. Станува збор за работник во хотел кој бил позитивен на многу позаразната мутација на вирусот, првпат откриена во Британија.
