Доделени се наградите за Светски автомобил на годината за 2025 година - погледнете кои се сите победници во различните категории.
Kia EV3 беше прогласен за Најдобар автомобил во светот во 2025 година, оставајќи ги зад себе BMW X3 и Hyundai Inster.
Ова е втора последователна награда за најдобар автомобил во светот за корејскиот производител, а воедно е нова потврда за квалитетот на EV3, кој го освои второто место во изборот за Европски автомобил на годината.
Што се однесува до останатите категории, Hyundai Inster беше прогласен за Најдобро електрично возило.
BYD Seagull победи во категоријата Најдобар градски автомобил. Автомобилот, кој, како и Inster, припаѓа на сегментот А, е долг 3.780 mm, а во Кина чини нешто повеќе од 10.000 евра.
Наградата за Најдобар дизајн на автомобил за 2025 година отиде кај Volkswagen ID.Buzz. Ова е прилично збунувачки, бидејќи електричното комбе не е ново, туку е на пазарот веќе неколку години. Во финалето ги надмина новите Toyota Land Cruiser и Kia EV3.
Наградата Светски луксузен автомобил на годината ја доби Volvo EX90, голем електричен SUV со седум седишта.
Единствениот автомобил што освои награда во годинашниот избор, а кој не е целосно електричен, е Porsche 911 GTS, кој беше прогласен за Најдобар спортски автомобил 2025, според Autostart. Имено, тоа е првиот хибриден 911 со комбинирана моќност од 539 КС.
