Некои од вас никогаш не ги виделе овие модели на улиците и патиштата.
Mercedes некогаш имаше најголема палета на модели во премиум сегментот, а истото беше и кога AMG влезе во приказната во конкуренција со таканаречените сегментни перформанси.
Во меѓувреме, Mercedes почна да ја намалува понудата, а први на удар беа неперспективните модели, но и оние за кои беше потребна соработка со надворешни партнери. Тука пред се мислиме на групацијата Renault Nissan со која некогаш имаше многу блиска соработка.
Сепак, по X-Class, Mercedes одлучи да ја прекине понудата за уште два модела. Како што објави Automotive News, одлучи да се откаже од T-Class и моделот Citan. Овие модели се базирани на Renault Kangoo, а се произведуваат во фабриката на Renault Maubeuge во северна Франција. Електричните верзии, EQT и eCitan, исто така ќе бидат историја до средината на 2026 година, а Mercedes нема да претстави директни наследници за овие модели.
Наместо тоа, германската компанија го префрла својот фокус на поголеми и попрофитабилни комерцијални возила, изградени на сопствени платформи VAN.CA (за возила со мотори со внатрешно согорување) и VAN.EA (за електрични модели). Оваа нова генерација комбиња ќе дели дури 70 проценти од деловите, што ќе го поедностави производството и ќе ги намали трошоците.
Да потсетиме, Mercedes во последните неколку години се ослободи од SLC, AMG GT кабриолет, CLS и купе и кабриолет верзиите од класата C и E, кои ги заменија со сосема новиот CLE. Иако кроевите се болни, Мерцедес подготвува и нови модели. Планот вклучува помала верзија на култната G-Class, целосно електрична C-Class и CLA, која повторно ќе добие атрактивна Shooting Brake верзија.
AMG развива специјална линија на електрични модели, вклучувајќи седан кој ќе го наследи GT купе со 4 врати и нов електричен SUV. За колекционерите со најдлабок џеб, Mercedes подготвува ексклузивни лимитирани модели, како што е најавената S-Class Coupe како дел од специјалната серија Mythos и спектакуларниот модел AMG PureSpeed без покрив, базиран на SL.
