Скандинавскиот производител претставува иновативен SUV со средна големина со досег до 200 километри во електричен режим.
Volvo Cars денеска го потврди пристигнувањето на убедливо plug-in хибридно возило. Тоа е новиот XC70 SUV со средна големина. Со импресивен електричен дострел до 200 километри, овој модел поставува нов стандард во хибридната понуда на брендот.
Изграден на новата SMA платформа, XC70 првично е насочен кон кинескиот пазар, каде што ќе биде достапен за нарачка подоцна оваа година, со можно проширување на други пазари во иднина. Очигледно е дека ова е модел кој дели сè со моделот LYNK & CO 08, првото plug-in хибридно возило кое е претставено со дострел од 200 км.
„XC70 го означува нашиот стратешки влез во проширениот хибриден сегмент, совршен мост кон целосна електрификација“, рече Хакан Самуелсон, претседател и извршен директор на Volvo Cars.
Овој модел ги комбинира најдобрите од двата света, еколошкото и економично градско возење со електрична енергија и слободата на патување на долги релации благодарение на конвенционалниот мотор. Во однос на дизајнот, XC70 носи модерна скандинавска естетика со препознатливиот „Чекан на Тор“ напред и задните светла во форма на буквата C интегрирани во стаклото.
Новиот XC70 го продолжува наследството на својот легендарен претходник, но во формат на SUV со средна големина, малку поголем и попростран од сегашниот XC60.
Повеќе детали за ова возбудливо дополнување на гамата на XC ќе бидат објавени во наредните месеци.
