Audi го претстави студиото Concept C во Милано, најавувајќи нов правец во дизајнот на идните модели. Four Rings одлучи да направи радикален чекор - во еден сè посложен свет, брендот бескомпромисно се свртува кон јасност.
Новата дизајнерска филозофија е дел од фундаменталното преориентирање на компанијата и претставува нов почеток. Производите, процесите и структурите се фокусирани на суштинските работи, создавајќи простор за иновации и технолошко лидерство.
„Радикалната едноставност е во сржта на нашиот пристап. Јасност постигнуваме со сведување на сè на суштинските работи“, вели главниот креативен директор Масимо Фрасела.
Audi Concept C, кој ќе биде изложен на IAA во Минхен, е првата манифестација на оваа нова филозофија. Концептното возило го најавува дизајнот на идните производи и ново искуство во ентериерот, отелотворувајќи универзални принципи на дизајн без излишни линии или елементи.
Некои го гледаат овој концепт како најава за враќањето на моделот TT на големата сцена, но Германците сè уште не го изразиле своето мислење.
„Нашата историја е обележана со смели иновативни чекори и најсовремена технологија во комбинација со бескомпромисен фокус на јасност во дизајнот“, нагласува извршниот директор на Audi, Гернот Долнер.
Новата филозофија на дизајнот станува корпоративен принцип што ќе се одрази во дизајнот на моделите и асортиманот на производи, како и во организациската структура на компанијата.
